💻 Computer Bar Bar Restart Ho Raha Hai? – 100% Working Solution & Full Guide in Hindi (2025)

👋 Hello Friends! Aap sabhi ka aapke apne blog “Tech Jugaad Pro” mein dil se swagat hai.

☰ Table of Contents

💻 Computer Bar Bar Restart Ho Raha Hai ?

Jaisa ki aapko maloom hi hai, hamari team aapke liye bahut mehnat se ek aisa platform lekar aayi hai jahan aap computer se judi sabhi jankariyon ko bahut aasani se samajh sakte ho. Aur is wajah se humein behad khushi bhi ho rahi hai.

Kyunki humein maloom hai ki aaj ke Digital Jamane mein Computer ki poori knowledge koi bhi asaani se nahi batata. Aur agar batata bhi hai to bahut zyada charge leta hai. Isi baat ko dhyan me rakhte huye hamari team ne aapke liye yeh sab kuch free mein uplabdh karwaya hai.

Kripya isse dhyaan se padhein taaki aapko Computer ki complete jankari mil sake aur aap bhi ban sakein Digital Duniya ke expert user.

📘 Kya Aapne Computer Kya Hai? Wali Post Padhi Hai?

Pichli post me aapne Computer Kya Hai? ke baare me step-by-step poori jankari hasil ki. Agar aapne abhi tak hamari wo post nahi padhi hai, to sabse pehle usse dhyaan se padh lein. Kyunki kisi bhi topic ko achhe se samajhne ke liye uske basic concept ka clear hona zaroori hota hai.

💻 Computer Bar Bar Restart Ho Raha Hai? – 100% Working Solution & Full Guide in Hindi (2025)

🛠️ Computer Bar Bar Restart Ho Raha Hai? Samasya Aur Solution Yahi Milega

Agar aapka computer baar-baar restart ho raha hai ya achanak band ho ja raha hai — wo bhi bina kisi error code ke, to aap bilkul sahi jagah par aaye hain. Kyunki yah blog post isi samasya par likhi gayi hai jisme aapko computer bar bar restart hone ka reason aur uska solution step-by-step bataya jayega.

❓ Kyun Bar-Bar Restart Hota Hai Computer?

Doston, jaisa ki aap sabhi jaante hain ki Computer ek electronic device hai. Yeh poori tarah se human instructions par kaam karta hai, lekin aakhirkaar yeh ek machine hi hoti hai.

Kai baar kuch aisi takneeki kharabiyaan computer ke andar utpann ho jaati hain, jinki wajah se system bar-bar restart hone lagta hai ya achanak band ho jaata hai.

Neeche aapko kuch aisi hi technical problems ke baare me bataya gaya hai, jinki wajah se yeh samasya computer me baar-baar hoti hai.

• Power cable ka toot jana, mud jana ya kharaab ho jana.
• Computer ki safai na hone ki wajah se heat sink fan ke andar zyada dust jam jana, jisse fan properly rotate nahi kar pata.
• RAM ka kharab ho jana ya loose contact hona.
• HDD (Hard Disk Drive) ki cable ka loose ho jana ya disconnect hona.
• Power Supply Unit (PSU) me fault ya complete failure aana.
• Firmware corrupt hone ki wajah se unexpected restart ka issue aana.
• BIOS chip ka kharab ho jana ya update fail ho jana.
• Motherboard ke kisi component me fault aana (capacitor burst, short circuit, etc.).

📍 Samasya Ka Karan Maloom Pad Gaya, Ab Samadhan Ka Samay Hai

Doston, upar di gayi sabhi jankariyon se humein yeh to maloom pad gaya hai ke problem aakhir kis wajah se aayi ho sakti hai. Upar batayi gayi alag-alag technical samasyaon me se kisi ek ke kaaran yeh dikkat sambhav hai.

Ab sawaal yeh uthta hai ke jab problem ka root cause samajh aa gaya hai, to solution kaise paaya jaye? Iske liye aap post ko aage dhyan se padhein, kyunki ab hum is samasya se chhutkaara paane ke practical steps share karne ja rahe hain.

Hardware Fault

Power cable ka toot jana, mud jana ya kharaab ho jana.

⚡ Power Cable ki Wajah se Computer Restart Problem

Kayi baar power cable ki wajah se computer me aisi samasya utpann ho jaati hai, jiske kaaran system bina kisi error code ke bar-bar restart hone lagta hai. Yeh samasya kaafi gambhir ho sakti hai, kyunki power cable ke through hi power supply me voltage pahuchta hai. Agar cable kharaab ho, toot gayi ho ya mud gayi ho, to system kisi bhi samay bina warning ke band ho sakta hai. Is wajah se proper voltage na milne par computer baar-baar restart karne lagta hai.

Is hardware issue se bachne ke liye aap niche diye gaye upaayon ko apna sakte hain:

1. Sabse pehle check karein ki power cable kahi se tooti hui to nahi hai. Agar cable cut hai to use repair karke ache se insulation tape se seal karein. (Yeh sab kaam computer aur UPS ko band karke hi karein.)
2. Dekhein ki cable kahin se mudi hui to nahi hai. Low quality cables, especially non-copper ones, aasani se mud jaati hain jisse andar se power flow ruk jaata hai. Isliye cable ka inspection zaroori hai.
3. Agar cable purani ya faulty hai, to turant usse replace karein. Hamesha full copper aur certified cable ka hi use karein taaki future me voltage drop ya disconnect na ho.

Dust Issue

Computer ki safai na hone ki wajah se heat sink fan ke andar zyada dust jam jana, jisse fan properly rotate nahi kar pata.

💨 Computer Me Dust Ki Wajah Se Restart Problem

Dust ki samasya computer ke liye ek bahut hi gambheer problem ho sakti hai. Computer aur power supply ke andar aam taur par 2 fan hote hain, lekin kuch high-performance systems me 2 se adhik fan bhi hote hain. In fans ke chalte hua hawa ke saath dust bhi suck hoti hai jo gradually computer parts par jam jaati hai.

Agar time-time par computer ki safai nahi ki jaaye, to dust ka level itna badh jaata hai ki fan properly rotate nahi kar paate aur processor overheat hone lagta hai. Is wajah se system suddenly restart hone lagta hai. Is problem se bachne ke liye aapko niche diye gaye steps zaroor follow karne chahiye:

1. Computer ko band karne ke baad, ek blower ki madad se system ke andar jam chuki dust ko dhire-dhire saf karein. Heat sink fan ke fins aur blades ke beech ki dust zaroor saaf karein taki fan freely rotate ho sake.
2. Processor ke upar se puri tarah se dust hataayein. Fir thermal paste (cooling cream) lagakar fan ko securely dobara lagayein taki processor heat na ho. CPU cabinet ke andar bhi dust free cleaning karein.
3. RAM ke upar aur slots ke andar jam chuki dust ko brush ya blower se saaf karein. Ensure karein ki RAM tightly locked hai.
4. Sabhi power cables aur connectors ke aaspaas ki dust saaf karein. Motherboard par chip level dust bhi nikalna zaroori hai, taki koi short circuit na ho.

Hardware fault

RAM ka kharab ho jana ya loose contact hona.

💾 RAM Issue Ki Wajah Se Computer Bar-Bar Restart

Kayi baar computer ka baar-baar restart hona RAM ke fault ke kaaran bhi ho sakta hai. RAM ka kaam system ko display aur speed dena hota hai. Agar RAM khraab ho jaaye ya lose fit ho, to system random restart hone lagta hai bina kisi error code ke. Is samasya se bachne ke liye niche diye gaye steps ko follow karein:

1. RAM ko system se nikaal kar uski golden pins ko soft brush ya cotton se achhe se saaf karein, aur fir securely dobara motherboard me install karein.
2. RAM ke dono lock ko tight hone ka confirmation karein. Kayi baar loose RAM fit hone ki wajah se bhi restart problem aati hai.
3. Agar RAM purani ya defective hai, to bina delay kiye use replace karna hi best solution hai. Certified aur compatible RAM ka hi use karein.

Loose Conection Issue

HDD (Hard Disk Drive) ki cable ka loose ho jana ya disconnect hona.

💾 HDD/SSD Cable Loose Hone Ki Wajah Se Restart Problem

Kai baar hard drive (HDD) ya solid state drive (SSD) ki wires loose ho jaati hain, jiske kaaran system ko power supply proper tarike se nahi mil pati. Jab data ya power cable theek se connected na ho, to system unexpectedly restart karna shuru kar deta hai. Is samasya se bachne ke liye aapko yeh sunishchit karna chahiye ki sabhi internal cables properly fit hon.

Agar aapko lagta hai ki HDD/SSD connection me fault ho sakta hai, to turant power cable aur SATA data cable ko check karein. Zarurat padne par unhe replace bhi karein, taaki voltage aur data signal interruption ka risk khatam ho jaaye.

Power Issue

Power Supply Unit (PSU) me fault ya complete failure aana.

🔌 Power Supply Fault Se Computer Bar-Bar Restart

Power supply ka faulty hona ek aisi samasya hai jo aksar computer ke baar-baar ya achanak restart hone ka mukhya kaaran hoti hai. Jab SMPS ya power unit sahi tarike se voltage supply nahi karta, to system suddenly shutdown ya restart karne lagta hai.

Is problem ka solution yeh hai ki sabse pehle aap apne system ki power supply unit ko check karein. Agar aapko lagta hai ki power fluctuation ya internal component failure ho raha hai, to bina deri ke SMPS ko replace kar dein. Aksar dekha gaya hai ki faulty power supply hi system instability ka main reason hoti hai.

Short circuit issue

Firmware , BIOS chip ya Motherboard ke kisi component me fault aana (capacitor burst, short circuit, etc.).

🧠 Motherboard Firmware, BIOS & Component Fault – Restart Issue

Aksar dekha gaya hai ki agar motherboard ka firmware outdated ho, to system me bar-bar restart hone ki problem shuru ho jaati hai. Firmware system ke internal hardware components ko control karta hai, aur agar update properly install na ho, to instability create hoti hai. Is samasya se bachne ke liye, hamesha apne motherboard ke brand ki official website se latest firmware version download karein aur usse update karein.

Isi ke saath, BIOS chip me fault bhi bar-bar restart ka ek common reason hota hai. Agar BIOS properly function nahi kar raha hai, to system boot aur power cycle issues create karta hai. Aap pehle confirm karein ki chip sahi kaam kar rahi hai – agar nahi, to professional hardware expert ki madad se usse replace karwayein.

Agar motherboard ke kisi bhi component – jaise capacitor, chipset, ya regulator – me hardware level fault hai, to system ka baar-baar restart hona swabhavik hai. Is case me kisi experienced chip-level technician se contact karke motherboard repair ya replacement karwana best solution hoga.

1. Computer bar-bar restart hone ka sabse common reason kya hota hai?

Sabse common reason faulty power supply, overheating processor ya RAM connection issue hota hai. In teeno ko step-by-step check karna zaroori hai.

2. Kya dust ki wajah se bhi computer restart hota hai?

Haan, agar system ki safai time pe nahi ki gayi ho, to processor aur fan me dust jam jaati hai, jo heat badhati hai. Is overheating se computer baar-baar restart hone lagta hai.

3. RAM kharaab hone se computer restart kyu hota hai?

RAM memory errors create karti hai jab wo damage ya loose hoti hai. System ko data process karne me dikkat hoti hai, aur wo crash ya restart karta hai.

4. Motherboard ke firmware ya BIOS ki wajah se restart problem aati hai kya?

Bilkul. Agar firmware outdated hai ya BIOS chip sahi kaam nahi kar rahi, to system properly boot nahi hota aur baar-baar restart hone lagta hai.

5. Power cable loose hone se bhi restart problem ho sakti hai kya?

Haan, agar power cable ya SATA cable loose hai to power supply proper nahi milti, jisse system unstable ho jata hai aur restart hone lagta hai.